News Archives - QAINT

Launch of Research Based Teaching Grant Distribution

QAINT — Fri, 15 Apr 2022 14:02:40 +0000

The Ministry of Education, Science, Technology and Innovation (MESTI) has published the call for distribution of grants under the Research-based Teaching Programme for Kosovo universities. This programme, which is meant to support the research-based teaching practices, covers two sub-programs:

1. Rewards for teachers who successfully implemented research-based teaching;

2. Grants for the implementation of research projects based on research work.

Please refer to the link below to find the Guideline, Application forms and other necessary information.

https://masht.rks-gov.net/konkurset

The deadline for submitting applications is May 6, 2022.

The Research-Based Teaching Programme will be implemented with the support of the Quality, Accountability, Integrity, and Transparency in Higher Education (QAINT) project. The project is funded by the Austrian Development Agency (ADA) and is implemented by three partner organizations – Kosova Education Center (KEC), Organization for Improvement of the Quality of Education (ORCA), and Center for Social Innovation (ZSI).

The post Launch of Research Based Teaching Grant Distribution appeared first on QAINT.

Projekti QAINT ka publikuar Studimin e Fizibilitetit për Sistemin e Menaxhimit të Informatave në Arsimin e Lartë (SMIAL) të Ministrisë së Arsimit, Shkencës, Teknologjisë dhe Inovacionit (MAShTI)

QAINT — Wed, 22 Dec 2021 12:12:22 +0000

Qëllimi i këtij raporti është:

identifikimi i problemeve teknike në SMIAL dhe sigurimi i informacionit të nevojshëm për sfondin dhe fushëveprimin e avancimit apo zhvillimit të sistemit, përkatësisht kërkesat e punës; dhe
kërkesat e përgjithshme teknike të nevojshme për zhvillimin e ardhshëm dhe zbatimin e SMIAL për MAShTI

Për më shumë klikoni në vegzën më poshtë:

https://qaint.org/wp-content/uploads/2021/12/16-QAINT-Studimi-i-Fizibilitetit-ALB-04.pdf apo

vizitoni pjesën e publikimeve në: https://qaint.org/publikimet/

Projekti QAINT financohet nga Agjencia Austriake për Zhvillim (ang. ADA), me kontribut të Ministrisë së Arsimit, Shkencës, Teknologjisë dhe Inovacionit (MAShTI) dhe zbatohet nga konsorciumi KEC, ORCA dhe ZSI.

The post Projekti QAINT ka publikuar Studimin e Fizibilitetit për Sistemin e Menaxhimit të Informatave në Arsimin e Lartë (SMIAL) të Ministrisë së Arsimit, Shkencës, Teknologjisë dhe Inovacionit (MAShTI) appeared first on QAINT.

Vizitoni publikimet tona më të fundit

QAINT — Wed, 22 Dec 2021 12:08:45 +0000

Mos i humbisni publikimet më të fundit në lidhje me transparencën, llogaridhënien, integritetin akademik, publikimet shkencore në universitetet publike si dhe punën e AKA dhe KShC gjatë vitit 2020. Për më shumë informata ju lutem vizitoni pjesën e publikimeve në faqen tonë www.qaint.org.

The post Vizitoni publikimet tona më të fundit appeared first on QAINT.

Projekti QAINT ka publikuar tre raporte të monitorimit

QAINT — Mon, 23 Nov 2020 09:48:29 +0000

Gjatë muajit nëntor 2020, Projekti QAINT ka publikuar tre raporte mbi aktivitetet monitoruese të partnerit të tij të konsorciumit, ORCA, në vitin e dytë të zbatimit të tij:

Transparenca dhe llogaridhënia në universitetet publike të Kosovës – Menaxhimi i financave

Fondet publike përfaqësojnë burimin kryesor financiar të universiteteve publike dhe është e nevojshme që këto institucione të jenë transparente dhe llogaridhënëse për mënyrat se si i menaxhojnë këto fonde. Prandaj, ORCA e ka vazhduar aktivitetin e saj kërkimor-hulumtues dhe ka bërë analiza të shpenzimeve në universitetet publike, me theks të veçantë në ato që kanë të bëjnë me stafin në pozitat drejtuese.

Transparenca dhe llogaridhënia në universitetet publike të Kosovës – (Mos)informimi i publikut

Transparenca formale është hapi i parë drejt arritjes së transparencës së plotë dhe llogaridhënies së institucioneve publike, të cilat financohen tërësisht nga buxheti i shtetit. Si pjesë e këtij studimi, ORCA i ka monitoruar 7 universitete publike për dokumentet dhe informatat që ata i bëjnë publike përmes faqeve të tyre të internetit (gjithsej 27 dokumente dhe informata që janë përcaktuar si standardi minimal për të siguruar transparencën e funksionimit të këtyre institucioneve).

NARIC Kosova Raporti i Monitorimit

Problemet që kanë penguar procesin e njohjes së diplomave të marra jashtë vendit ka qenë temë e debatit të vazhdueshëm dhe arsyeja që ORCA e ka vazhduar monitorimin e Qendrës Kombëtare për Njohje Akademike dhe Informim (NARIC) Kosova, posaçërisht të takimeve të Këshillit Shtetëror të Njohjes (SCR) brenda kësaj qendre. Ky raport është rezultat i monitorimit të kryer në SCR midis janarit 2020 dhe tetorit 2020.

Për më shumë informata rreth publikimeve, ju lutem vizitoni https://qaint.org/publikimet/

The post Projekti QAINT ka publikuar tre raporte të monitorimit appeared first on QAINT.

Diskutim për revista të dyshimta dhe konferenca të diskutueshme me stafin akademik të Universitetit “Haxhi Zeka” në Pejë

QAINT — Mon, 01 Jun 2020 13:57:31 +0000

Në vazhdën e bashkëpunimit të projektit “Cilësi, llogaridhënie, integritet dhe transparencë në arsimin e lartë (QAINT)” me universitetet publike në Kosovë për përmbushjen e nevojave drejt zhvillimit dhe zbatimit të procedurave dhe praktikave të avancuara akademike të përcaktuara me legjislacionin dhe rregulloret e reja, sot u mbajt pjesa e parë e seminarit treditor me temë: “Diskutim për revista të dyshimta dhe konferenca të diskutueshme” me stafin akademik të Universitetit “Haxhi Zeka” në Pejë. Seminari ka për qëllim ofrimin e një përmbledhjeje të qartë rreth revistave të dyshimta dhe konferencave të diskutueshme, me këshilla e sugjerime për akademikët e rinj se si ata mund t’i shmangin ato. Të pranishmit gjatë diskutimit i ngritën disa çështje që do të shtjellohen në takimet e radhës dhe/ose do të shërbejnë si udhërrëfyes për të gjetur mënyra të tjera të bashkëpunimit në mes të institucioneve të arsimit të lartë në Kosovë dhe projektit QAINT.

Udhëzuesin mund ta shkarkoni këtu: https://qaint.org/diskutim-per-revista-te-dyshimta-dhe-konferenca-te-diskutueshme/

The post Diskutim për revista të dyshimta dhe konferenca të diskutueshme me stafin akademik të Universitetit “Haxhi Zeka” në Pejë appeared first on QAINT.

Konferenca e rektorëve “Universiteti, politika dhe vlerat themelore të arsimit të lartë”

QAINT — Thu, 13 Feb 2020 12:00:42 +0000

Me rastin e shënimit të 50 vjetorit të themelimit të Universitetit të Prishtinës, u organizua konferenca e rektorëve me temë “Universiteti, politika dhe vlerat themelore të arsimit të lartë”. Qendra për Arsim e Kosovës, u përfaqësua nga prof.Dr. Dukagjin Pupovci, i cili mbajti një fjalë rasti me përqendrim në ndërveprimin e politikës me universitetet.

Kjo konferencë pjesërisht është mbështetur edhe nga projekti QAINT që ka për qëllim rritjen e cilësisë, llogaridhënies, integritetit dhe transparencës në arsimin e lartë e që financohet nga Agjencia Austriake për Zhvillim (ADA).

The post Konferenca e rektorëve “Universiteti, politika dhe vlerat themelore të arsimit të lartë” appeared first on QAINT.

Universiteti “Haxhi Zeka” (UHZ) në Pejë miratoi Planin Strategjik 2020-2024

QAINT — Fri, 07 Feb 2020 12:22:25 +0000

Projekti QAINT ka punuar së bashku me menaxhmentin, stafin akademik dhe palët tjera të interesit në hartimin e Planit Strategjik 2020-2024 për UHZ. Projekti QAINT do ta vazhdojë mbështetjen në implementimin e strategjisë, si dhe do të mbështesë edhe universitetet tjera publike në drejtim të rritjes së cilësisë, transparencës, integritetit dhe transparencës në arsimin e lartë.

Projekti QAINT financohet nga Agjencia Austriake për Zhvillim (ang. ADA), me kontribut të Ministrisë së Arsimit, Shkencës dhe Teknologjisë (MAShT) dhe zbatohet nga konzorciumi KEC, ORCA dhe ZSI.

The post Universiteti “Haxhi Zeka” (UHZ) në Pejë miratoi Planin Strategjik 2020-2024 appeared first on QAINT.

Punëtoria për hartimin e skemës së granteve për mësimdhënie të bazuar në punë hulumtuese

QAINT — Tue, 19 Nov 2019 08:22:46 +0000

Në kuadër të projektit “Cilësi, llogaridhënie, integritet dhe transparencë në arsim të lartë (QAINT)”, është mbajtur punëtoria për hartimin e skemës së granteve për mësimdhënie të bazuar në punë hulumtuese, ku kanë qenë të pranishëm zyrtarë të Ministrisë së Arsimit, Shkencës dhe Teknologjisë (MAShT), përfaqësues të universiteteve publike dhe të konsorciumit të projektit QAINT.

Projekti QAINT financohet nga Agjencia Austriake për Zhvillim (ADA) me kontribut të MAShT. Skema e granteve për mësimdhënie të bazuar në punë hulumtuese do të financohet dhe do të administrohet nga MAShT. Përmes kësaj skeme do t’u ndahen grante mësimdhënësve të rinj në universitetet publike, të cilët tashmë kanë zbatuar, ose do të zbatojnë në të ardhmen mësimdhënie të bazuar në punë hulumtuese.

The post Punëtoria për hartimin e skemës së granteve për mësimdhënie të bazuar në punë hulumtuese appeared first on QAINT.

Hapja e konkursit për skemën e granteve nga ORCA

QAINT — Tue, 13 Aug 2019 13:16:15 +0000

Organizata për Rritjen e Cilësisë në Arsim – ORCA, si pjesë e konzorciumit zbatues të projektit “Cilësi, llogaridhënie, integritet dhe transparencë në arsimin e lartë (QAINT),” e ka dizajnuar një skemë të granteve për organizatat studentore dhe grupet studentore joformale, e cila ka për qëllim që përmes konkursit të hapur për projekt propozime konkrete ta gjallërojë aktivizmin studentorë në të mirë të përmirësimit të transparencës, llogaridhënies dhe integritetit akademik në institucionet publike të arsimit të lartë në Kosovë. Kjo skemë e granteve parasheh që përfitues të një projekti të caktuar të jenë studentët, stafi akademik, fakultetet, departamentet, qendrat apo institutet e universteteve publike.

Thirrja për ciklin e parë të aplikimit për këto grante nga ORCA, e cila ka qenë e hapur prej 13 gusht, 2013 – 11 shtator, 2019, ka zgjuar intersim të madh veçanërisht te grupet studentore joformale. ORCA ka pranuar shumë projekt propozime interesante, të cilat do të shqyrtohen me hollësi, në përputhshmëri me kriteret e paraqitura në konkurs, për t’i përzgjedhur përfituesit më të susksesshëm.

The post Hapja e konkursit për skemën e granteve nga ORCA appeared first on QAINT.

Ceremonia e fillimit zyrtar të projektit QAINT

QAINT — Fri, 12 Jul 2019 13:15:48 +0000

Më datë 12 korrik, 2019 përfaqësuesit e konzorciumit të projektit QAINT organizuan pritje solemne me rastin e fillimit zyrtar të projektit me përfaqësues të Agjencisë Austriake për Zhvillim (ADA), Ambasadës së Austrisë, Ministrisë së Arsmit, Shkencës dhe Teknologjisë (MAShT), Agjencisë së Kosovës për Akreditim (AKA), organizatave të tjera bashkëpunëtore, kolegë, miq dhe personalitete të tjera të shquara, që angazhohen për arsim të lartë cilësor dhe transparent për të mirë të të rinjve dhe të vendit tonë.

Në kuadër të këtij solemniteti u shfaq një video prezantim, i cili në pika të shkurtra i shpalosi aspektet dhe pikësynimet kryesore të projektit QAINT, si dhe u mbajtën fjalë rasti nga Ministri i Arsimit, Shkencës dhe Teknologjisë, z. Shyqyri Bytyqi, dhe Ambasadori i Republikës së Austrisë, Sh.T. z. Gernot Pfandler, të cilët e theksuan kontributin e madh të qeverisë austriake për arsimin e lartë në Kosovë në njëzet vitet e fundit si dhe nevojën për angazhim të mëtejmë të përbashkët institucional dhe shoqëror për një sistem të arsimit të lartë që vepron në përputhshmëri të plotë me standardet ndërkombëtare.

The post Ceremonia e fillimit zyrtar të projektit QAINT appeared first on QAINT.